有時見到人哋無端端有好機會降臨，都會好羨慕吧？但其實要讓好運從天而降（呢度所指的好運，唔係中六合彩、中獎嗰種），就要先為自己製造那種環境和機遇，方法好簡單：
- 多啲同陌生人傾偈──人際網絡喺現今的社會好重要，好多機會都係由別人帶俾你的，所以要盡可能擴展你的人際網絡。平時參加課外活動、去做gym，甚至去旅行搭飛機時，不妨撩吓身邊人傾偈，可以從對方身上學多啲嘢之餘，話唔定對方日後就係介紹好機會俾你嘅人！
- 化危為機──當遇上困難時，與其煩惱，不如從另一個角度去睇吓當中會唔會有咩機會啦！例如，你想入大公司工作，但對方無錄用你，不如諗吓其實喺細公司做，可以學到更多唔同嘅嘢，有更多機會俾你發揮，因為好多事都要自己一手一腳做，可以累積到更多經驗呢！
- 幫助別人──見到人哋有麻煩時，唔好袖手旁觀，因為幫助別人就係建立機緣，日後別人自然都會用同樣的態度對待你，喺你有需要的時候，提供幫忙同機會。
全站熱搜
留言列表
健康 。養生 (5)